邢雅晨【王浩信开「空头支票」？】陈自瑶决定分居囡囡交畀王妈照顾-看港剧

邢雅晨
人夫王浩信先後同蔡思貝、江嘉敏傳緋聞，陳自瑤曾公開表示信任老公，以往陳自瑤間唔中就喺網上貼同老公嘅合照，不過最近陳自瑤只貼單人相，同一啲自勉句子，王浩信為咗修補感情，早前出席活動，講明要同陳自瑤每年去一次旅行，又話要買獨立屋俾老婆，点知轉頭購入清水灣傲瀧高層單位送俾媽咪，事前老婆YoYo更毫不知情，張張「空頭支票」，主動提出離婚。
王浩信近年信基督教，開始學識放下，明白要活在當下，接受好同壞嘅情況，強調婚姻關係冇改變，認為婚姻係會有困境，要學習同汲取教訓，認為珍惜身邊擁有嘅嘢已經好快樂，但係今日有周刊指王浩信同陳自瑤處於分居階段，加上陳自瑤喺行內人口中得知王浩信嘅嘢，陳自瑤曾俾咗多次機會，圈中姊妹勸陳自瑤忍吓，陳自瑤去完杜拜錄節目返港後，決定同王浩信攤牌，叫老公搬走，而王浩信買樓俾阿媽係想第時有個新竇。
報道又指，陳自瑤喺好少埋堆，喺圈中朋友唔多，最近成日返教會搵教友傾偈，之後會努力工作，而囡囡靖喬升小學後，就交由王浩信爸媽照顧。王浩信今日接受傳媒就話：「唔回應啦，多謝大家關心!」