邢雅晨【牛下女高音】黃心穎飾演自暴自棄宅女：期待咗好耐-LoveHongKong

邢雅晨
心穎今次做唔注重打扮嘅宅女。（林迅景攝）
黃心穎出席無綫新劇《牛下女高音》(暫名) 造型暨拜神活動，今次心穎在劇中的角色是一名宅女，她說：「講我30幾歲，唔注重自己嘅打扮，成日着鬆身衫，個人仲有啲自暴自棄。我期待咗好耐，想演呢啲唔理外表嘅角色，因為咁樣可以focus喺演技上面。我唔介意演醜角，最緊要有得發揮。呢個角色對我嚟講好新鮮，我睇完劇本好鍾意個故仔同角色，係第一次演大過自己真實年紀嘅角色。」

心穎同張振朗喺劇中飾演一對。（林迅景攝）
她又表示要多謝該劇的監製黃偉聲：「今次已經係第3次同聲哥合作，好多謝佢每次搵我都畀好多唔同嘅角色我去演，第一次係《東坡家事》同Bobby (歐陽震華) 合作，我做蘇小妹，係搞笑嘅。第二次係《與諜同謀》同撈家 (羅家良) 合作，就好正經嘅，第三次就呢套，每次都係一個挑戰嚟，對我亦係一種鼓勵，好多謝聲哥佢咁信任我。」至於心穎於現實生活中又是否與角色一樣是宅女，她說：「有少少似，我都鍾意留喺屋企，就算出街都係自己一個出，不過衣著打扮上唔似，我鍾意買衫同打扮，都貪靚嘅。」